Այսօր՝ փետրվարի 27-ին, ժամը 13։00-ին Բյուրեղավան համայնքի Բյուրեղավան բնակավայրի մշակույթի տանը տեղի ունեցան հանրային լսումներ: Լսումները վարում էր համայնքի ղեկավարի տեղակալ Միշա Եղիազարյանը։ Ներկա էին համայնքապետարանի աշխատակիցներ, ներկայացուցիչներ համայնքի ՀՈԱԿ-ներից, ավագանու անդամներ և ակտիվ բնակիչներ։ Համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Լիդիա Պողոսյանը մանրամասն ներկայացրեց Բյուրեղավան համայնքի 2019 թվականի բյուջեի կատարման տարեկան հաշվետվությունը։ 2019 թվականի Բյուրեղավան համայնքի եկամուտները կազմել են 344․040․0 հազար դրամ, իսկ ծախսերը կազմել են 353․ 895․9 հազար դրամ. Այնուհետև, համայնքապետարանի աշխատակազմի գլխավոր մասնագետ, զարգացման պատասխանատու Սարգիս Ղազարյանը ներկայացրեց 2019 թվականի համայնքի հնգամյա զարգացման ծրագրի և տարեկան աշխատանքային պլանի իրականացման վերաբերյալ տարեկան հաշվետվությունները, ինչպես նաև Բյուրեղավան համայնքի 2020 թվականի տնտեսական և սոցիալական ենթակառուցվածքների զարգացմանն ուղղված սուբվենցիոն ծրագրերը՝ «Ներհամայնքային ճանապարհների բարեկարգում, հիմնանորոգում», «Նուռնուս բնակավայրում համայնքային կենտրոնի կառուցում», «Ջրաբեր բնակավայրի խմելու ջրի բարձր ճնշման ջրագծի և ներքին ցանցի կառուցում», ««Անդրանիկ Պետրոսյանի անվան Բյուրեղավանի քաղաքային պոլիկլինիկա» ՓԲԸ վարչական շենքի և բակի հիմնանորոգման աշխատանքներ»։ Փետրվարի 28-ին հանրային լսումներ տեղի կունենան Ջրաբեր և Նուռնուս բնակավայրերում:

01.03.20