Հունվարի 27-ին, Հայոց բանակի կազմավորման 25 ամյակին ընդառաջ Բյուրեղավան համայնքի ղեկավար Հակոբ Բալասյանի աշխատասենյակում տեղի ունեցավ հանդիպում՝ 2016-2017թթ-ին զորացրված բյուրեղավանցի զինծառայողների հետ: Զինծառայողներ, որոնք իրենց ծառայությունն իրականացրել են գերազանց՝ ՀՀ ԶՈւ և Արցախի ՊԲ-ում : Վերջին շրջանում ՊՆ տարբեր զորամասերի հրամանատարներից համայնքի ղեկավար Հակոբ Բալասյանը ստացել է ՇՆՈՐՀԱԿԱԼԱԳՐԵՐ, որտեղ հրամանատարներն իրենց երախտիքի խոսքն են հղել համայնքի ղեկավարին՝ հայոց բանակի շարքերը հայրենասեր, անմնացորդ ծառայելու պատրաստակամ և լիարժեք հայրենիքի պաշտպանով համալրելու համար: Տղաների շարքերում էին նաև ապրիլյան քառօրյայի մասնակիցներ, ովքեր այդ օրերին ցուցաբերեցին մեծ խիզախություն: Համայնքի ղեկավար Հակոբ Բալասյանը ջերմությամբ ընդունեց տղաներին: Ողջունելով նախկին ժամկետային զինծառայողներին՝ քաղաքապետը շնորհակալություն հայտնեց իր և բյուրեղավանցիների անունից, նրանց ծնողներին նման հայրենասեր զավակներ դաստիարակելու համար, որոնք անառիկ են պահել մեր հայրենիքի սահմանները: «Ստանալով շնորհակալագրեր ձեր գերազանց ծառայության համար՝ մենք Byureghavan. am կայքի և Բյուրեղավանի քաղաքապետարանի ֆեյսբուքյան էջի միջոցով տեղեկացրել ենք համայնքի ազգաբնակչությանը, որպեսզի նրանք ևս ճանաչեն իրենց համայնքի երիտասարդ տղաներին: Թասիբով, պատվով, հարգանքով ծառայել եք հայրենիքին և ողջ առողջ վերադարձել ձեր ընտանիքներ»: Վերջում քաղաքապետը նշեց, որ իր համար մեծ պատիվ է քաղաքում ունենալ նման երիտասարդներ, որոնք իրենց հայրենասիրությամբ օրինակ կծառայեն հայրենիքի ապագա պաշտպաններին: Հանդիպման ավարտին քաղաքապետի կողմից տղաներն արժանացան դրամական պարգևների: Նրանք էլ իրենց կողմից շնորհակալություն հայտնեցին քաղաքապետին ուշադրության արժանանալու համար, որից իրենք մեծ հպարտություն զգացին:

27.01.17