Սիրելի հայրենակիցներ
Մասնագետները պնդում են, որ հանրապետությունում սուր շնչառական վարակների ակտիվացումը պայմանավորված է տոնական օրերի ընթացքում բնակչության ակտիվ շփումներով: «Բյուրեղավանի քաղաքային պոլիկլինիկա» ՓԲԸ-ի գլխավոր բժիշկ Միքայել Միքայելյանը վստահեցնում է, որ Բյուրեղավան համայնքում էպիդեմիկ իրավիճակը կառավարելի է. «Չէի ասի, որ մենք ծանր վիճակում ենք: Ուղղակի կա մի փոքր լարվածություն: Արձանագրած թվերը գրեթե համապատասխանում են նախորդ տարիներին: 2017 թվականի համեմատ՝ նույն ժամանակահատվածում պոլիկլինիկա դիմելիության աճ է նկատվում: Հիմնականում դիմում են երեխաներ: Դեկտեմբեր-հունվար ամիսներին հիվանդացության 18 դեպք ենք ունեցել 0-4 տարեկան երեխաների մոտ, 16 դեպք՝ 5-14 տարեկանների մոտ: 1 դեպք՝19-ից 20 տարեկան, իսկ 30-64 տարեկանների մոտ գրանցվել է 6 դեպք»- ներկայացնում է գլխավոր բժիշկը: Սուր շնչառական հիվադությունները հիմնականում գլուխ են բարձրացնում շփումներից: Միքայել Միքայելյանը հորդորում է. «Եթե վարակված եք սուր շնչառական հիվանդությամբ՝ լավ կլինի մնաք տանը, որպեսզի շփումը արտաքին աշխարհի հետ քիչ լինի: Հաճախակի օդափոխեք սենյակը, լավ սնվեք, ավելացրեք հեղուկների քանակը: Զերծ մնացեք հակաբիոտիկներ օգտագործելուց և պարտադիր դիմեք բժշկի»: Փաստեց նաև, որ Բյուրեղավանի քաղաքային պոլիկլինիկան ապահովված է եղել հակավիրուսային պատրաստուկներով, որոնք ապահովում են սուր շնչառական վարակների և գրիպի լիարժեք բուժում: Այն սպառվել է, քանի որ ամբողջովին պատվաստվել են երեխաները և մեծահասակների որոշ խումբ՝ իրենց ցանկությամբ:
16.01.18
Տեղական ինքնակառավարման օրվա առիթով ջերմորեն շնորհավորում եմ
մեր համայնքի ավագանու անդամներին, համայնքային ծառայողներին, համայնքային ենթակայության կազմակերպությունների աշխատակիցներին: Կազմելով կառավարման համակարգի կարևորագույն մասը և լինելով որպես պետության ու քաղաքացու կապող օղակ, մեծ է ՏԻՄ-երի պատասխանատվությունը, քանզի նրանք են իրականացնում համայնքի կառավարումն ու դրանում առկա խնդիրների լուծումը: Ուժեղ համայնք ունենալ նշանակում է ունենալ ուժեղ տեղական ինքնակառավարման մարմիններ, որոնք միշտ համայնքի բնակիչների կողքին պետք է լինեն, ապրեն նրանց հոգսերով: Անցած 21 տարիների ընթացքում կայացել են մեր ՏԻՄ-երը, սակայն, այսօր էլ համակարգը, ժամանակի պահանջներին համահունչ, շարունակում է կատարելագործվել, ինչին ակտիվ մասնակցելը բոլորիս խնդիրն է: Տոնի առիթով կրկին շնորհավորելով մեր համայնքի ՏԻՄ բոլոր ներկայացուցիչներին, մաղթում եմ արգասաբեր աշխատանք` հանուն նոր խոշորացաված համայնքի:
10.11.17
Սիրելի բյուրեղավանցիներ
Ջերմորն շնորհավորում եմ մայիսի 1-ի՝ Աշխատանքի և աշխատավորների օրվա կապակցությամբ: Ավանդաբար նշվող այս տոնը համերաշխության և միասնության խորհուրդ ունի: Հայ ազգն իր գոյության ընթացքում վաստակել է աշխատասեր, քարից հաց քամող մարդու համբավ: Տարիներ առաջ Բյուրեղավանն աշխատատեղերով հարուստ քաղաքաներից մեկն էր մեր հանրապետությունում: Սակայն այսօր պետք է խոստովանենք, որ մեր քաղաքում, ինչպես նաև հանրապետության մյուս համայնքներում, լուրջ խնդիր է աշխատատեղերի բացակայությունը, բայց և չենք կարող չնշել, որ այդ խնդրի լուծման ուղղությամբ մեծ ջանքեր են գործադրվում, իսկ այդ ջանքերի արդյունավետությունը կախված է նաև աշխատանքի կարիք ունեցող քաղաքացիների ակտիվությունից և պատրաստակամությունից: Այս խնդրի կողքին մեծ է նաև աշխատավոր ու ստեղծագործ բյուրեղավանցիների թիվը, որոնց համար մայիսի 1-ը, հիրավի, տոն է, ուստի մաղթում եմ ձեզ աշխատանքային հաջողություններ ու վերելքներ, ձեր ջանքերն ու եռանդը թող մշտապես ծառայեն մեր քաղաքի ու երկրի զարգացմանը՝ հանուն մեր եկող սերունդների: Որպես համայնքի ղեկավար ամեն ինչ անելու եմ, որ մեր համայնքում ստեղծվեն նոր աշխատատեղեր: Մեր ծրագրերի իրականացման կարևոր նախապայմանը խաղաղությունն է, որն էլ այսօր մաղթում եմ բոլորիս: Թող ամենօրյա խաղաղ արևածագերն արժևորվեն ստեղծագործ աշխատանքով՝ ի պատիվ ձեր ընտանիքների ու մեր երկրի:
01.05.17
Սիրելի մայրեր, կանայք և աղջիկներ
Շնորհավորում եմ Ձեզ մարտի 8-ի՝ Կանանց միջազգային օրվա առթիվ: Գարնան գալուստն ու կանանց տոները խորհրդանշում են կյանքի հավերժությունն ու անսահման գեղեցկությունը, բնության զարթոնքն ու սերը: Համոզված եմ, որ դուք այսուհետ էլ ձեր ավանդն ու մասնակցությունն եք ունենալու հայ ընտանիքի կերտման, հայապահպանության, պետության արժանի քաղաքացիների ձևավորման գործում: Գեղեցիկ գարնանային այս տոնի կապակցությամբ, մաղթում եմ առողջություն, անսահման սեր, կանացի հմայք, ընտանեկան երջանկություն, խաղաղություն, բոլոր երազանքների իրականացում:
08.03.17
Հարգելի համաքաղաքացիներ
պատմության գիրկն ենք ճանապարհում ևս մեկ տարի:
Այն ինչպես մեր երկրի ու ժողովրդի, այնպես էլ յուրաքանչյուրի կյանքում նշանավորվեց ձեռքբերումներով, հույզերով ու տագնապներով:
Տարեմուտի շեմին ընդունված է հետադարձ հայացք ձգել անցնող տարուն, ամփոփել արվածն ու կազմել նոր ծրագրեր հաջորդ տարվա համար: Անցնող տարին, կարող ենք վստահաբար ասել, որ մեր համայնքն ամփոփում է արձանագրված մի շարք հաջողություններով: Քաղաքի ու մեր բնակչության հարմարավետության ապահովմանն առնչվող տարեկան բոլոր ծրագրերը հաջողությամբ կյանքի են կոչվել: Դրանում, անշուշտ, մեծ է նաև ձեր դերակատարումը, քանզի այդ ամենը կյանքի է կոչվել ինչպես ձեր վստահության ու նվիրումի, այնպես էլ ձեր աջակցության, հաճախ նաև անմիջական մասնակցության շնորհիվ Ես համոզված եմ, որ այդ նույն վստահությամբ և նվիրումով աշխատելու ենք նաև 2017-ին ու հաջորդող բոլոր տարիներին, որպեսզի օր առաջ ունենանք ապահով, բարեկարգ, համերաշխ համայնք:
Թող Նոր տարին երջանկություն, սեր ու համերաշխություն բերի բոլորին: Թող անցնող տարում մնան բոլոր դժվարություններն ու հոգսերը և թող բոլորս դրական նոր լիցքերով, սեփական ուժերի հանդեպ վստահության զգացումով դիմավորենք նոր տարին: Ու թող, որ 2017-ը խաղաղություն և բարօրություն բերի մեր երկրին ու մեր ընտանիքներին:
Հարգելի հայրենակիցներ, հարգելի բյուրեղավանցիներ, կրկին շնորհավորում եմ բոլորիս Ամանորն ու Սուրբ Ծնունդը: Մաղթում եմ առողջություն, անսահման սեր, երջանկություն և հաջողություններ:
30.12.16
Հարգելի գործընկերներ
Շնորհավորում եմ տեղական ինքնակառավարման մարմինների կազմավորման հոբելյանական 20-ամյակի կապակցությամբ: Անցած 20 տարիների ընթացքում համակարգը կարողացել է հաջողություններ գրանցել և հիմնավոր կերտել իր պատմությունը: Տարեցտարի ավելի ու ավելի է մեծանում մեր բնակչության վստահությունը տեղական ինքնակառավարման մարմինների նկատմամբ՝ այդպիսով նաև ավելացնելով հանրությանը հուզող խնդիրների լուծման ուղղությամբ ՏԻՄ-երի պատասխանատվությունը: Այսօր իրենց հուզող հարցերով քաղաքացիները հիմնականում դիմում է հենց տեղական ինքնակառավարման մարիմինների աշխատակիցներին, ովքեր իրենց լիազորությունների շրջանակներում փորձում են հնարավորինս լուծումներ գտնել կամ էլ խորհրդատվությամբ նպաստում են այս կամ այն հարցի կարգավորմանը: Համոզված եմ, որ մեր երկրում տարեցտարի մեծանալու է ինքնակառավարման դերն ու նշանակությունը: Կրկին շնորհավորում եմ և վստահ եմ, որ նույն նվիրվածությամբ շարունակելու ենք աշխատել՝ ի շահ և ի բարօրություն մեր ազգաբնակչության:
10.11.16
Սիրելի ուսուցիչներ
Ջերմորեն շնորհավորում եմ Ձեզ մասնագիտական տոնի՝ Ուսուցչի օրվա առթիվ: Համաժողովրդական մի տոն, որն ավանդաբար նշվում է մեր երկրում` որպես խորին հարգանքի դրսևորում մանկավարժի մասնագիտության նկատմամբ: Ուսուցչի գործը դժվարին ու միաժամանակ հետաքրքիր աշխատանք է, պատասխանատու ու չափազանց կարևոր մեր երկրի ու ժողովրդի համար: Հենց դպրոցական տարիքում է ձևավորվում մարդու անհատականությունը, նախանշվում նրա հետագա կյանքի ուղին, և այդ գործում անգնահատելի է ուսուցչի դերակատարությունը: Դուք ձեր իմաստությամբ ու բարությամբ, համբերատարությամբ ու անձնուրացությամբ կրթում ու դաստիարակում եք սերունդներ՝ նրանց փոխանցելով ձեր գիտելիքներն ու հմտությունները, ինչի համար մենք երախտապարտ ենք ձեզ ու շնորհակալ: Մեկ անգամ ևս շնորհավորում եմ Բյուրեղավան քաղաքի բոլոր ուսուցիչներին, մաղթում խաղաղություն, առողջություն ու մեծագույն հաջողություններ` ձեր ազգանպաստ առաքելության իրականացման ճանապարհին:
05.10.16
Սիրելի բյուրեղավանցիներ
Շնորհավորում եմ Ձեզ ու ողջ հայ ժողովրդին՝ Հայաստանի անկախության հռչակման 25-րդ տարեդարձի առթիվ: Սեպտեմբերի 21-ին համայն հայությունը նշում է Հայաստանի երրորդ հանրապետության Անկախության օրը: Այսօր արդեն մենք կարող ենք հպարտությամբ նշել, որ դժվարությամբ, պատերազմի ու մաքառումների գնով ձեռք բերված անկախությունն այն ամենակարևորն էր, որ նվաճեց մեր երկիրն իր անցած ճանապարհին: 25 տարի առաջ մեր ժողովուրդը, միասնական որոշմամբ ու համախմբվածությամբ, նոր հիմքեր դրեց հայրենիքի համար, հարթեց իր երազանքների երկրի նոր ճանապարհը: Վստահ եմ, որ չնայած բոլոր փորձություններին, մեր ժողովուրդը լի է վճռականությամբ` պահպանելու և զարգացնելու անցած տարիներին ձեռք բերած նվաճումները, ամրապնդելու իր անկախ պետականությունը: Եվս մեկ անգամ շնորհավորում եմ մեր հայրենիքի տոնը, մաղթում եմ մեր երկրին նոր ձեռքբերումներ ու հաղթանակներ: Ես համոզված եմ, որ ի վերջո, մեր բոլորի ջանքերով ունենալու ենք մեր երազանքների երկիրը, որի ամուր ու անսասան հիմքերը դրվել են 25 տարի առաջ՝ անկախության հռչակմամբ:
21.09.16
Սիրելի շրջանավարտներ
Ընդունեք իմ ջերմ շնորհավորանքներն ու բարեմաղթանքները դպրոցական «Վերջին զանգի» կապակցությամբ: Օրը յուրովի առիթ էի մի բերելու և ամփոփելու հարազատ կրթօջախում ապրած ձեր բարի ու լավ հուշերը: Ու թեև պահը խորհրդանշում է հրաժեշտ, այդուամենայնիվ այն սկիզբն է նոր հեռանկարների և նոր հորիզոնների:Վերջին ամիսներին Արցախում և Հայաստանի սահմանամերձ գոտումհայ զինվորների անասելի սխրանքներն ապացուցեցին, որ մեր երկրի ապագան՝ հանձինս մեր երիտասարդների, հուսալի ձեռքերում է: Անկասկած, դուք լինելու եք նրանց արժանի փոխարինողները: Հպարտացեք ու միշտ բարձր պահեք Հայաստանի Հանրապետության քաղաքացու, հայի պատիվը:Սիրելի ուսուցիչներ, այս օրը հիշարժան է նաև ձեզ համար: Դուք մեծ կյանք եք ճանապարհում ևս մեկ սերունդ, որին տարիներ շարունակ փոխանցել եք ձեր գիտելիքներնու իմացությունները, դաստիարակել շրջապատի, ընտանիքի ու երկրի խնդիրներով մտահոգ, միաժամանակ ապագային լավատեսորեն նայող և հայրենասեր երիտասարդներ: Շնորհավորում եմ նաև ձեր ծնողներին և հավատում, որ դուք իրականություն կդարձնեք նրանց բոլոր երազանքները:Մեկ անգամ ևս շնորհավորում եմ ձեզ, սիրելի շրջանավարտներ, մաղթում բարի երթ, երջանկություն և նորանոր բարձունքներ:
31.05.2016
Սիրելի համաքաղաքացիներ
Ջերմորեն շնորհավորում եմ բոլորիդ Հաղթանակի և խաղաղության տոնի առթիվ: Իմ երախտիքի և խոնարհումի խոսքն եմ հղում Մեծ հայրենականի վետերաններին, քանզի նրանց հերոսության և արյան գնով ձեռք բերվեց բոլորիս համար թանկ հաղթանակը: Շնորհավորում եմ արցախյան ազատամարտի մասնակիցներին: Հայ ժողովրդի պատմության մեջ Շուշիի ազատագրումը դարձավ Արցախյան հերոսամարտում հաղթանակի գլխավոր կռվաններից մեկը: Եվ այս երկու պատմական իրադարձությունների արդյունքում Մայիսի 9ը կրկնակի տոն դարձավ: Հայ ժողովրդի հաղթանակները կերտվեցին բազում կյանքերի, անկոտրում կամքի, հավաքական ոգու շնորհիվ: Կրկին շնորհավորելով այս պատմական օրվա առթիվ` մաղթում եմ առողջություն, հաջողություններ և համոզմունք հայտնում, որ մեզ սպասում են նոր հաղթանակներ` մեր պետության խաղաղ կյանքի և առաջընթացի ապահովման գործում:
09.05.16.
Հարգարժան տիկնայք, սիրելի մայրեր, քույրեր և դուստրեր
Հարգարժան տիկնայք, սիրելի մայրեր, քույրեր և դուստրեր Սիրով ու ջերմությամբ շնորհավորում եմ բոլորիդ՝ Կանանց միջազգային օրվա, գարնանային այս հիասքանչ տոնի առթիվ: Մարտի 8-ից սկիզբ առնող Կանանց մեկամսյակը թող ավելացնի ձեր հմայքն ու գեղեցկությունը, ձեր օրերը լցնի անսահման սիրով ու ջերմությամբ, որպեսզի դուք առավել նվիրումով շարունակեք իրականացնել վեհ ու ազգապահպան ձեր առաքելությունը՝ ի շահ հայ օջախների ամրության և մեր հայրենիքի շենացման: Հարգելիներս, ապրեք առողջ և շարունակեք ձեզ բնորոշ իմաստնությամբ բոլոր ասպարեզներում ամրապնդել ու ընդլայնել բարու և լույսի տիրույթները: Սիրելի կանայք, Կրկին շնորհավորելով Մարտի 8-ի առթիվ` մաղթում եմ ձեզ ամենայն բարիք: Թող Ձեր ընտանիքներում և Ձեր սրտերում միշտ իշխեն սերն ու ներդաշնակությունը:
08.03.16.
ՀԱՐԳԱՐԺԱՆ ՀԱՅ ԺՈՂՈՎՈՒՐԴ, ՀԱՐԳԵԼԻ ԲՅՈՒՐԵՂԱՎԱՆՑԻՆԵՐ
Շնորհավորում եմ բոլորիդ Ամանորի և Սուրբ Ծննդյան տոների կապակցությամբ:
Մաղթում եմ, որ 2016 թ-ը լինի հաջողությունների, երջանկության, առողջության և ձեռքբերումների տարի: Ես վստահ եմ, որ բյուրեղավանցին տարեցտարի ավելի ու ավելի լավ է ապրելու, ավելի ու ավելի ուրախ մթնոլորտում է անցկացնելու նոր տարին: 2015-ը ևս նշանավորվեց բազմաթիվ նախաձեռնությունների և ծրագրերի իրագործմամբ՝ ի նպաստ մեր բնակչության բարօրության և մեր քաղաքի զարգացման: 2015թ-ին քաղաքում կատարվեցին շատ աշխատանքներ՝ մասնավորապես ասֆալտապատման, բարեկարգման: Ավարտվեց քաղաքի ամբողջական լուսավորության հարցը, սկսեցինք մշակույթի տան վերակառուցումը: Մեծ ուշադրություն դարձվեց հոգևոր, կրթամշակութային և մարզական կյանքի բարելավմանը: Մենք 2016 թ-ից ունենք շատ սպասելիքներ և ակնկալիքներ: Իսկ այդ ամբողջը կյանքի ենք կոչելու համատեղ և համոզված եմ, որ դրանց իրագործման գործում հաստատ ունենալու ենք բազմաթիվ հաջողություններ: Այս պահին մեզանից յուրաքանչյուրն ամփոփում է անցնող տարին: Համոզվա՛ծ եմ, որ նոր տարում մենք կարձանագրենք նոր առաջընթաց, որի արդյունքում էլ կբարելավվեն նաև մեր համաքաղաքացիների սոցիալ- տնտեսական պայմանները: Թող նոր տարին լինի բարեկեցության, երիտասարդների համար ստեղծագործական և առաջընթացի տարի: Թող մեր երկրում տիրի խաղաղություն, թող հայոց սահմանները պահպանող մեր զինծառայողները լինեն առողջ, պատվով կատարեն իրենց զինվորական պարտականությունը և վերադառնան հայրենի օջախ: Թող 2016-ը մեր քաղաքի համար նշանավորվի նոր ծրագրերի իրականացումներով: Թող նոր տարին լինի ուրախության և լիության տարի:
ՇՆՈՐՀԱՎՈՐ ԱՄԱՆՈՐ ԵՎ ՍՈՒՐԲ ԾՆՈՒՆԴ
31.12.2015
ՍԻՐԵԼԻ ՄԱՆԿԱՎԱՐԺՆԵՐ
Շնորհավորում եմ ձեզ, մասնագիտական տոնի` ՈՒսուցչի օրվա կապակցությամբ: ՈՒսուցչի մասնագիտությունը լոկ մասնագիտություն չէ, այլ բարձր ու պատասխանատու կոչում: Ձեզ է վստահված սերունդների ոչ միայն կրթության, այլև դաստիարակության դժվարին ու պատասխանատու գործը: Իսկ այդ գործում պահանջվում է անմնացորդ նվիրում , որով վստահ եմ``օժտված են ձեզանից շատերը: Նորանոր ձեռքբերումներ և հաջողություններ բոլորիդ` ի բարօրություն մատաղ սերնդի և մեր նորանկախ պետության: Կրկին անգամ շնորհավորում եմ բոլորիդ՝ տոնի առթիվ, մաղթում առողջություն, հաջողություններ, բարձր տրամադրություն:
05.10.15
Սիրելի ուսուցիչներ, դպրոցականներ և ծնողներ
Ջերմորեն շնորհավորում եմ ձեզ սեպտեմբերի 1-ի` Գիտելիքի օրվա կապակցությամբ:
Սիրելի ուսուցիչներ, անգնահատելի է ձեր դերը հայրենասեր, բանիմաց ու կիրթ սերունդ դաստիարակելու գործում: Նոր ուսումնական տարում մաղթում եմ ձեզ նոր եռանդ ու նոր լիցքեր, արդյունավետ ու բեղմնավոր աշխատանք: Սեպտեմբերի 1-ը առանձնահատուկ է հատկապես առաջին դասարանցիների համար, ովքեր առաջին անգամ են ոտք դնում դպրոցի շեմին և սրտի թրթիռով են սպասել այդ օրվան: Շնորհավորում եմ հիմնական դպրոց ոտք դրած մեր բոլոր առաջին դասարանցիներին և նրանց ծնողներին, մաղթում, որ դպրոցական տարիները նրանց համար դառնան գիտելիքների ձեռքբերման, ինքնաբացահայտման ու ինքնահաստատման, բարի ու լուսավոր հիշողությունների տարիներ: Մեկ անգամ ևս շնորհավորելով հիմնական և ավագ դպրոցների աշակերտներին և մանկավարժներին Գիտելիքի օրվա և նոր ուսումնական տարվա մեկնարկի կապակցությամբ՝ մաղթում եմ բոլորին արգասաբեր ու հաջողություններով լեցուն ուսումնական տարի:
01.09.15
Սիրելի շրջանավարտներ
Ջերմորեն շնորհավորում եմ ձեզ՝ ձեր կյանքի կարևորագույն իրադարձության՝ Վերջին զանգի կապակցությամբ:
Անցյալում մնացին անհոգ մանկությունն ու պատանեկությունը, առջևում են հասուն կյանքի տարիները:
Վստահ եմ, որ ձեռք եք բերել այն անհրաժեշտ գիտելիքները, որոնց վրա կկառուցեք ձեր արժանապատիվ ապագան:
Սիրելի ուսուցիչներ
Այսօր նաև ձեր տոնն է, քանզի հերթական մի սերնդի ևս կրթեցիք և ճանապարհում եք մեծ կյանք:
Մեկ անգամ ևս շնորհավորում եմ բոլորիդ, մաղթում առողջություն, երջանկություն և երազանքների իրականացում:
Բարի երթ ձեզ:
22.05.14
ՍԻՐԵԼԻ ԲՅՈՒՐԵՂԱՎԱՆՑԻՆԵՐ
Այսօր տոնում ենք Հայրենական Մեծ պատերազմում տարած հաղթանակի 69
և Շուշիի ազատագրման 22-րդ տարեդարձները:
Սրանք մեր ամենապայծառ ու թանկ տոներից են, թերևս ամենաթանկը, քանի որ այս հաղթանակների շնորհիվ էր, որ մենք վերականգնեցինք մեր արժանապատվությունը:
Մենք ընդունեցինք մեզ պարտադրված մարտահրավերները և դուրս եկանք պատվով ու հաղթանակած:
Այս հիշարժան օրը ջերմորեն շնորհավորում եմ Մեծ Հայրենականի և արցախյան ազատամարտի բոլոր մասնակիցներին:
Խոնարհվում եմ բոլոր նահատակների հիշատակի առջև, բոլոր նրանց, ովքեր իրենց կյանքը զոհաբերեցին հանուն խաղաղության:
Կրկին անգամ շնորհավորում եմ բոլորիս, մաղթում մեր երկրին հարատև խաղաղություն, մեր ժողովրդին՝ մեծագույն հաջողություններ և ստեղծագործ աշխատանք:
09.05.14
Սիրելի կանայք
Ջերմորեն շնորհավորում եմ ձեզ կանանց միջազգային օրվա մարտի 8-ի կապակցությամբ: Ցանկանում եմ, որ միշտ շրջապատված լինեք սիրով ու ջերմությամբ:Թող ժպիտը, երջանկությունն ու հաջողությունները լինեն
ձեր կյանքի մշտական ուղեկիցները:
Մաղթում եմ ձեզ առողջություն և բարեկեցություն:
Բյուրեղավանի քաղաքապետ՝ Հ. Բալասյան
08.03.14
ՍԻՐԵԼԻ ԲՅՈՒՐԵՂԱՎԱՆՑԻՆԵՐ
Շնորհավորում եմ ձեզ Ամանորի և Սուրբ Ծննդյան տոների կապակցությամբ:
Անցնող տարին մեր քաղաքի համար եղավ իրապես ձեռքբերումների ժամանակաշրջան: Նոր` 2013 թվականից նույնպես մենք շատ սպասելիքներ ունենք: Թող գալիք տարին մեր քաղաքին շենացում և բարգավաճում բերի: Թող բոլոր դժվարությունները մնան անցյալում:
Առանձնակի սիրով շնորհավորում եմ Հայրենական Մեծ պատերազմի վետերան բյուրեղավանցիներին, քաղաքի տարեցներին, զոհված ազատամարտիկների ընտանիքներին և մեր հայրենիքի սահմաններում ամուր կանգնած զինծառայողներին` մաղթելով խաղաղ երկինք, աննկուն կամք և տոկունություն:
Ջերմորեն շնորհավորում եմ բոլոր մանկավարժներին, մարզիչներին, բուժաշխատողներին, սպասարկման ոլորտի աշխատողներին:
Շնորհավորում եմ քաղաքի ամենափոքրիկ բնակիչներին` երեխաներին, մաղթում երջանիկ մանկություն և երազանքների իրականացում:
Օտար ափերում գտնվող մեր հայրենակիցներին` բարի վերադարձ եմ ցանկանում: Ցանկանում եմ իմ բոլոր համաքաղաքացիներին և ողջ հայ ժողովրդին խաղաղ, ստեղծագործ աշխատանք, երջանկություն, առողջություն, հաջողություններ ընտանիքում:
Շնորհավոր Ամանոր և Սուրբ Ծնունդ:
ԲՅՈՒՐԵՂԱՎԱՆԻ ՔԱՂԱՔԱՊԵՏ` ՀԱԿՈԲ ԲԱԼԱՍՅԱՆ
30.12.12
Բյուրեղավանի հիմնական և Ս.Վարդանյանի անվան ավագ դպրոցների
ՍԻՐԵԼԻ ՄԱՆԿԱՎԱՐԺՆԵՐ
Խորին հարգանքով շնորհավորում եմ ձեզ, մասնագիտական տոնի` ՈՒսուցչի օրվա կապակցությամբ:
Բոլոր ժամանակներում մեր գոյության անսասան հիմքը եղել է դպրությունը:
ՈՒսուցիչը սոսկ մասնագիտություն չէ, այլ բարձր ու պատասխանատու կոչում: Ձեզ վստահված է սերնդի ոչ միայն կրթության, այլև դաստիարակության դժվարին ու պատասխանատու գործը: Իսկ այդ գործում պահանջվում է անմնացորդ նվիրում ու բարձր պատասխանատվություն, որով վստահ եմ``օժտված է ձեզանից յուրաքանչյուրը:
Թող բարձր հեղինակությունն ու նորանոր ձեռքբերումները մշտապես ուղեկցեն բոլորիդ` ի բարօրություն մատաղ սերնդի և պետության:
Կրկին անգամ շնորհավորելով տոնի առթիվ` առողջություն, հաջողություններ, տոնական բարձր տրամադրություն եմ մաղթում ձեզ:
05.10.2012
ԲՅՈՒՐԵՂԱՎԱՆԻ ՔԱՂԱՔԱՊԵՏ ՀԱԿՈԲ ԲԱԼԱՍՅԱՆԻ ՈՒՂԵՐՁԸ ՀԻՄՆԱԿԱՆ ԵՎ ԱՎԱԳ ԴՊՐՈՑՆԵՐԻ ՈՒՍՈՒՑԻՉՆԵՐԻՆ, ԱՇԱԿԵՐՏՆԵՐԻՆ ԵՎ ԾՆՈՂՆԵՐԻՆ
Ջերմորեն շնորհավորում եմ բոլորիդ` Գիտելիքի, գրի և դպրության օրվա կապակցությամբ:
Սեպտեմբերի 1-ը, որպես գիտելիքի անծայրածիր աշխարհ տանող ճանապարհի սկիզբ, առանձնահատուկ նշանակություն ունի յուրաքանչյուրիս համար: Սակայն առավել հուզիչ է հատկապես առաջին դասարանցիների համար: Նրանք նոր են սկսելու հաղորդակցվել գիտության խորհրդավոր աշխարհին: Ես լիահույս եմ, որ ուսումնառության տարիները մեր երեխաների համար կդառնան իրենց օժտվածության և տաղանդի զարգացման, գիտելիքների և ունակությունների ձեռքբերման պատասխանատու և կարևոր շրջան: Կրկին շնորհավորելով բոլորիդ` մաղթում եմ նորանոր հաջողություններ և արդյունավետ ուսումնական տարի:
01.09.2012
Սիրելի շրջանավարտներ
Շնորհավորում եմ բոլորիդ այս գեղեցիկ ավանդույթի`«Վերջին զանգի» հիշարժան օրվա կապակցությամբ:
Հասկանալի ու բնական է այն հուզմունքը,որ ապրում եք դուք` հրաժեշտ տալով ջերմ ու հարազատ դարձած կրթօջախներին, սիրելի ուսուցիչներին: Սակայն դպրոցական ուսումնառության ավարտը խորհրդանշող վերջին զանգն ունի մեկ այլ հրաշալի խորհուրդ ևս` այն ձեզ առաջնորդում է դեպի ինքնադրսևորման և ինքնահաստատման ավելի լայն ասպարեզներ: Համոզված եմ, որ դպրոցական տարիներին ձեռք բերած ձեր հարուստ գիտելիքները, հայեցի կրթությունն ու ազգային արժեքների ոգով դաստիարակությունը կօգնեն ձեզ սեփական ունակություններն ու ձիրքերը ներդնելու մեր ժողովրդի բարօրությանն ու երկրի հզորացմանը` իբրև մեր պետության արժանավոր քաղաքացիներ:
Կանաչ ճանապարհ եմ մաղթում ձեզ:
Եվ թող իրականություն դառնան ձեր բոլոր ձգտումներն ու երազանքները:
Հարգելի Տիկնայք
Ջերմորեն շնորհավորում եմ Ձեզ կանանց միջազգային տոնի՝ Մարտի 8-ի առիթով։
Ի սրտե ցանկանում եմ բոլորիդ անսահման սեր, երջանկություն, ընտանեկան ջերմություն և խաղաղություն:
Մաղթում եմ , որ տոնը սկիզբ առնող գարնան հետ Ձեզ ուրախություն բերի : Եղեք գեղեցիկ և հմայիչ։
Հայոց բանակի հրամանատարներ և զինվորներ.
Ջերմորեն շնորհավորում եմ Ձեզ Բանակի օրվա առթիվ։ Հայոց բանակը մեր անկախ պետականության ամենակարևոր նվաճումներից է։ Կայացման ճանապարհին մեր 20-ամյա բանակն անցավ ծանր կորուստների և փառահեղ հաղթանակների միջով և այսօր հուսալիորեն պաշտպանում է մեր պետության սահմանները: Այս խաղաղ տարիների համար մենք պարտական ենք բացառապես հայոց բանակին` 18-ամյա հայ երիտասարդներին, ովքեր զօր ու գիշեր հսկում են մեր երկրի անդորրը, փորձառու հայ սպաներին ,ովքեր ստանձնել են դժվարին ու պատասխանատու աշխատանք:Միաժամանակ գլուխ ենք խոնարհում Արցախի ազատագրության և ՀՀ սահմանների պաշտպանության համար իրենց կյանքը զոհաբերած նվիրյալների հիշատակի առջև: Վստահ եմ ,որ մեր բանակն ավելի հզոր ու մարտունակ է դառնալու ,պատրաստ դիմակայելու վտանգներին և հպարտորեն կրկնելու` «Մեր անունն է հայկական բանակ» : Բանակի օրվա առթիվ ի սրտե շնորհավորելով մեր ողջ ժողովրդին ,մաղթում եմ խաղաղ երկինք , անվտանգ և երջանիկ կյանք:
Սիրելի բյուրեղավանցիներ
Ջերմորեն շնորհավորում եմ Ձեզ Ամանորի և Սուրբ Ծննդյան տոների կապակցությամբ :
Ցանկանում եմ , որ Ամանորը դիմավորեք նոր հույսերով , ապագայի նկատմամբ լավատեսությամբ և հավատով :
Առանձնակի սիրով ցանկանում եմ շնորհավորել Հայրենական Մեծ Պատերազմի Վետերան բյուրեղավանցիներին , քաղաքի տարեց բնակիչներին , զոհված ազատամարտիկների ընտանիքներին և հայրենիքի սահմաններում ամուր կանգնած զինծառայողներին ` մաղթելով խաղաղ երկինք , ամուր կամք և բարեկեցություն :
Շնորհավորելով քաղաքի ամենափոքրիկ բնակիչներին` երեխաներին , մաղթում եմ երջանիկ մանկություն և երազանքների իրականացում :
Հարգելիներս . վստահ եմ , որ մեր համագործակցությունն ու փոխվստահությունը ցանկալի պտուղներ կտան և կնպաստեն Բյուրեղավան քաղաքի զարգացմանն ու առաջընթացին:
Համոզված եմ , որ համատեղ աշխատանքի արդյունքում մեր քաղաքը կդառնա ավելի կարգապահ , մաքուր և հյուրընկալ:
Թող 2012թ լինի աշխատանքի , արարման և ձեռքբերումների տարի :
Մաղթում եմ բոլորիդ ընտանեկան համերաշխություն , խաղաղ ու բարեկեցիկ տարի ,երջանկություն և հավատ վաղվա Բյուրեղավանի հադեպ :
Շնորհավոր Ամանոր և Սուրբ Ծնունդ:
Սիրելի Մարիետա Թումանյան
Շնորհավորում եմ Ձեր ծննդյան 50 և մանկավարժական գործունեության 25 - ամյակների կապակցությամբ:
Այս բոլոր տարիներին Ձեր գիտելիքն ու ջանքերն եք դրել Բյուրեղավան քաղաքի մատաղ սերունդների կրթության և դաստիարակության գործում: Բազմաթիվ երիտասարդների համար դարձել եք իսկական մանկավարժի և մարդու վառ օրինակ, նպաստել նրանց աշխարհայացքի ձևավորմանը:
Դուք կարողացել եք հաջողությամբ մասնակցել դպրոցի կառավարման և կազմակերպչական գործերին: Այն նվիրումն ու ավյունը, որ դրել եք մանկավարժի պատասխանատու գործում, ցանկանում եմ, որ Ձեզ վերադառնա Ձեր հաջողությունների և բարեկեցության տեսքով:
Մաղթում եմ Ձեզ առողջություն և անձնական երջանկություն:
Հարգանքներով`
Բյուրեղավանի քաղաքապետ Հ. Բալասյան
05.12.2011թ.
Հարգելի տիկին Մուկոյան
Ջերմորեն շնորհավորում եմ Ձեր ծննդյան 65-ամյա հոբելյանի կապակցությամբ:
Իմ և բյուրեղավանցիների անունից շնորհակալություն եմ հայտնում Ձեզ, Ձեր երկարամյա մանկավարժական գործունեության համար:
Զգալիորեն մեծ է Ձեր նվիրումն ու վաստակը Բյուրեղավանի քաղաքային համայնքի արվեստի բնագավառում, Դուք մշտապես հաղորդակից եք եղել Բյուրեղավան քաղաքի մշակութային իրադարձություններին, հաջողությամբ իրագործել եք Ձեր առաքելությունը դպրոցի կառավարման պատասխանատու գործում: Ձեր ջանքերի շնորհիվ է, որ մեր քաղաքի արվեստասեր երեխաները հաջողությամբ մասնակցել են հանրապետական և միջազգային տարբեր մցույթների և հետագա մասնագիտական կրթությունը ստացել արվեստի ոլորտում:
Դուք ձևավորել եք մշակութային ճաշակ և Ձեր սաների մեջ սերմանել սեր լավի, բարու ու գեղեցիկի նկատմամբ:
Մաղթում եմ Ձեզ առողջություն, անսպառ եռանդ, երջանկություն, ժպիտ և բարեկեցություն
Հարգանքներով`
Բյուրեղավանի քաղաքապետ Հ. Բալասյան
02.12.11
Հարգելի տիկին Ասատրյան
Ջերմորեն շնորհավորում եմ Ձեր ծննդյան 65 և մանկավարժական գործունեության 45-ամյակների կապակցությամբ:
Իմ և բյուրեղավանցիների անունից շնորհակալություն եմ հայտնում Ձեզ, Ձեր երկարամյա մանկավարժական գործունեության համար:
Ինչպես սրտացավ բյուրեղավանցի, Դուք մշտապես հաղորդակից եք եղել Բյուրեղավանի քաղաքային համայնքում կատարվող իրադարձություններին, զգացել մեր քաղաքի զարկերակը:
Այս բոլոր տարիներին Ձեր անմնացորդ նվիրումն ու եռանդն եք դրել իսկական քաղաքացի, հայրենասեր բյուրեղավանցի կրթելու և դաստիարակելու գործում: Հաջողությամբ իրագործել եք Ձեր առաքելությունը դպրոցի կառավարման պատասխանատու գործում:
Մաղթում եմ Ձեզ առողջություն, անսպառ եռանդ, անձնական երջանկություն և ժպիտ: Հաջողություն Ձեր բոլոր ձեռնարկումներին:
Հարգանքներով`
Բյուրեղավանի քաղաքապետ Հ. Բալասյան
29.11.11
«Բարգավաճ Հայաստան» կուսակցության նախագահ
Գագիկ Ծառուկյանին
Հարգարժան պարոն Ծառուկյան
Իմ և Բյուրեղավան քաղաքի բոլոր «Բարգավաճ Հայաստան» Կուսակցության անդամների անունից ի սրտե շնորհավորում եմ Ձեր ծննդյան 55-ամյա հոբելյանի կապակցությամբ:
Մեծ է Ձեր ավանդը Հայաստանի Հանրապետության քաղաքական, տնտեսական և սպորտի բնագավառներում: Անգնահատելի է Ձեր բարեգործական ներդրումների և նվիրատվությունների նշանակությունն ու դերը բյուրեղավանցիների կյանքում:
Դուք վայելում եք մեր համաքաղաքացիների բացարձակ մեծամասնության վստահությունն ու հարգանքը, ովքեր ի նշան իրենց երախտագիտության Ձեր ծննդյան օրը համալրեցին ԲՀԿ շարքերը 55 նոր անդամներով:
Մաղթում եմ Ձեզ առողջություն, անձնական երջանկություն և հաջողություններ Ձեր բոլոր ձեռնարկումներում:
Հարգանքներով`
ԲՀԿ Բյուրեղավանի քաղաքային խորհրդի նախագահ
Բյուրեղավանի քաղաքապետ Հ. Բալասյան
25.11.11
Բյուրեղավանի քաղաքապետի շնորհավորական ուղերձը ուսուցիչներին
Ջերմորեն շնորհավորում եմ Ձեզ` Ուսուցչի տոնի կապակցությամբ:Զարգացած, կիրթ և արժանապատիվ քաղաքացիներ ունենալու համար անչափ կարևորում եմ Ձեր աշխատանքն ու պատասխանատվությունը, անգնահատելիորեն մեծ է Ձեր վաստակն ու նվիրումը սերունդ դաստիարակելու գործում: Տոնի կապակցությամբ ցանկանում եմ Ձեզ առաջընթաց ձեռքբերումներ, հաջողություն աշխատանքում, առողջություն և անձնական երջանկություն:
05.10.2011
Սիրելի ուսուցիչներ, աշակերտներ և ծնողներ
Ողջունում եմ ձեզ և շնորհավորում գիտելիքի, գրի և դպրության օրվա կապակցությամբ: Սեպտեմբերի 1-ը մշտապես սպասված ու սիրելի տոն է և հիշարժան հատկապես դպրոց առաջին անգամ հաճախողների համար: Ժամանակի հրամայականն է ունենալ կիրթ, դաստիարակված, գիտության և գրականության հարուստ իմացությամբ զինված քաղաքացիներ, հայրենի ավանդի արժնի հետնորդներ. այսպիսի սերունդ կրթելու համար բոլոր ուսուցիչներին ցանկանում եմ մեծագույն նվիրում, ջանք և արդյունաբեր աշխատանք, աշակերտներին` կամք և սեր դեպի գիտությունն ու կրթությունը: ՈՒսումնառության ճանապարհին բոլորիդ մաղթում եմ նորանոր հաջողություններ ու ձեռքբերումներ:
01.09.2011
|