Այս տարի <<Բազե - Կոտայք 2017>> Բյուրեղավանի ջոկատի կազմը տարբեր էր մյուսներից: Համայնքի ղեկավար Հակոբ Բալասյանի առաջարկով <<Բազե>> մեկնեցին բյուրեղավանցի այն տղաները, ովքեր ժամկետային զինծառայության ընթացքում մասնակցել են ապրիլյան քառօրյա պատերազմին: Ջոկատի կազմում՝ Նարեկ Պողոսյան, Սանասար Մադոյան, Հովհաննես Սեփյան, Սերգեյ Խեչոյան, աղջիկները՝ Աննա Մկրտչյան, Նորա Եղյան, Սոսե Սուքիասյան: Աղջիկները մարզիկներ են, ովքեր գրանցել են հաջողություններ: Երեք օր Հանքավանում բազեականներն ունեցան հետաքրքիր ու հագեցած օրեր: Մասնակցել են սեղանի թենիս, պարանի ձգում, հրաձգություն, բրեյն ռինգ խաղային մրցույթներին: Մերոնք ներկայացնում էին Կապույտ ճակատը: Ջոկատի ղեկավար Նարեկ Պողոսյանը նշեց, որ Բյուրեղավանի ջոկատի տղաները հատուկ վերաբերմունքի են արժանացել: Հունիսի 17-ին տեղի ունեցավ <<Բազե - Կոտայք 2017>> -ի փակման արարողությունը: Մեր բազեականների հետ այսօր գալա համերգին մասնակցել են համայնքի ղեկավարի տեղակալ Միշա Եղիազարյանն ու <<Բարեկարգում և կանաչապատում>> ՀՈԱԿ-ի տնօրեն Հայկ Եղյանը: Գալա համերգի ընթացքում կազմակերպիչները մեր տղաներին հանդիսավոր հրավիրել են բեմ ու արժանացրել հատուկ ուշադրության: Կոտայքի մարզպետի տեղակալ Կարեն Մարգարյանը Բյուրեղավան համայնքի ջոկատին արժանացրել է պատվոգրի: Հիշեցնեմ, որ <<Բազե–Կոտայք 2017>> մարզային երիտասարդական հավաքն այս տարի նվիրվել է <<Բազե>> համահայկական երիտասարդական հավաքի 15-ամյա հոբելյանին:

17.06.17