Վերջին շրջանում Բյուրեղավանի արվեստի դպրոցի անունը հանրապետության տարբեր մշակութային օջախներում հաճախակի է հնչում: Այս առումով թե համայնքի ղեկավար Հակոբ Բալասյանը, թե դպրոցի տնօրեն Նարինե Զաքարյանն ու կոլեկտիվը մեծ ջանքեր են գործադրում, որպեսզի մեր քաղաքի շնորհալի երեխաները հաջողություններ գրանցեն և չզիջեն մեծ քաղաքների հայտնի դպրոցներին: Բյուրեղավանցի շնորհալիներ Սարգիս Ասրյանը, Աշոտ Ջումանյանը և Հովսեփ Թելյանն ապացուցեցին , որ իրենք լավագույններն են: <<Երաժշտական գործիքների ձեռքբերում>> ծրագրի շրջանակներում, որն իրականացնում է ՀՀ մշակույթի նախարարությունը, Բյուրեղավանի արվեստի դպրոցին տրամադրեց 3 ազգային երաժշտական գործիք՝ ուդ, թառ և սանթուր: Օրերս մեր դպրոցի սաներն անձամբ ՀՀ մշակույթի նախարար Արմեն Ամիրյանի կողմից ստացան իրենց գործիքները: Այս ծրագիրը իրականացվում է 2013թ-ից Հայաստանի մշակույթի նախարարության նախաձեռնությամբ: <<Երաժշտական գործիքների ձեռքբերում>> ծրագրով գնված երաժշտական գործիքները տրամադրվում են արվեստի և երաժշտական դպրոցներում սովորող շնորհալի պատանի երաժիշտներին, նոր ձևավորվող մասնագիտական դասարանների սաներին:

11.03.17