2 օր Բյուրեղավանի մարզադաշտում անցկացվեց <<Լավագույն մարզական ընտանիք-2014>> համայնքային փուլը: Նախորդ տարվա համեմատ այս տարի 2-ով ավելացել էր մասնակից ընտանիքների թիվը: Հայտ էին ներկայացրել 34 ընտանիք: Մրցույթն անցկացվում էր 4 տարիքային խմբերում՝ 1998թ-ից մինչև 1999թ., 2000-ից մինչև 2002թ., 2003-ից մինչև 2005թ., 2006թ-ից մինչև 2008թ. ծնված երեխա ունեցող ընտանիքներ: Յուրաքանչյուր ընտանիքի թիմի կազմը բաղկացած է 3 անձից՝ հայրը, մայրը և երեխան՝ անկախ սեռից: Բյուրեղավանցիներն այս մրցաշարին լրջորեն են պատրաստվում: Նախորդ տարի հանրապետական փուլին մասնակցեց 6 ուժեղագույն ընտանիք և հենց մեր թիմի շնորհիվ Կոտայքի մարզն արժանացավ 3-րդ պատվավոր մրցանակին: Մարզադպրոցի տնօրեն Նորիկ Տերտերյանը Byureghavan. am-ին ասաց. «Շատ պատրաստված են մասնակիցները, ուրախալի է, որ գրանցվում են նոր ընտանիքներ, որոնք այժմ մասնակցում են: Կարևորում եմ այն փաստը, որ Եղյանների ընտանիքն արդեն այս մրցույթում, մի քանի անգամ հաղթող է ճանաչվել և բյուրեղավանցիների պատիվը բարձր պահել: Եղյանների, Պիճիկյանների, Հայրապետյանների, Դավթյանների Ասատրյանների ընտանիքներն օրինակ են, որ ավելանում են մասնակից ընտանիքների թիվը: Շնորհակալ ենք քաղաքապետ Հակոբ Բալասյանին մրցաշարն ուշադրության կենտրոնում պահելու և աջակցելու համար»: 1-ին և 2-րդ տարիքային խմբերում 6 խաղային մարզաձև է, իսկ 3-րդ և 4-րդ տարիքային խմբերում ավելացել է հրաձգություն օդամղիչ հրացանով: Համայնքային փուլից մարզային փուլ անցան 12 ընտանիք, որն անց կկացվի Չարենցավանում: Յուրաքանչյուր տարիքային խմբում հաղթողները կստանան դրամական պարգևներ:

09.06.14.