Հայաստանը մի շարք երկրների հետ մայիսի 1-ը նշում է Աշխատավորների համերաշխության միջազգային օրը: Աշխարհի աշխատավոր ու բարիքներ ստեղծող դասակարգի պայքարի, մաքառումներ ու նրանց համերաշխությունը խորհրդանշող օրն է: Օրը տոնվում է աշխարհի շուրջ 140 երկրներում: Մայիսի 1-ը որպես աշխատավորի օր սկսվել է տոնվել 1890թ-ից: Մինչ այդ՝ 1886թ մայիսի 1-ին, ամերիկացի աշխատավորները կազմակերպել էին գործադուլ՝ աշխատանքային օրը 8 ժամ դարձնելու պահանջով: Գործադուլն ավարտվել է ոստիկանության հետ բախումով: 1889-ին Փարիզյան կոնգրեսը որոշեց յուրաքանչյուր տարի մայիսի 1-ը տոնել աշխատանքի և աշխատավորի տոն: ԽՍՀՄ-ում մայիսի 1-ը երկար տարիներ պետական հիմնական տոներից էր: Այդ տարիներին կազմակերպվում էին շքերթներ, որոնց մասնակցում էին բոլորը: Շքերթի մասնակիցները ծաղիկներով ու փուչիկներով դուրս էին գալիս երթի և գոչում՝ Կեցցե մայիսի 1-ը: Հայաստանի անկախության առաջին տարիներին, առաջին նախագահի կառավարման օրոք, տոնը չեղյալ համարվեց: Այժմ այն վերականգնվել է և կոչվում է Աշխատանքի օր: Հազարավոր մարդիկ այսօր Հայաստանում աշխատանք չունեն և փնտրում են աշխատանք: Շնորհավորում ենք բոլոր աշխատավոր և աշխատանք փնտրող և չգտնող մարդկանց, որովհետև տոնը բոլորինս է:

30.04.13.